Bodi ya Huduma za Maktaba Tanzania (TLSB) inawakaribisha kwenye Kongamano la Nne la Kitaifa kuhusu Huduma za Maktaba, Tamasha la Vitabu na Usomaji, litakalofanyika tarehe 20–22 Oktoba 2026 katika viwanja vya Maktaba Kuu ya Taifa, Posta, Dar es Salaam. Kongamano hilo litakuwa na mada kuu “Maboresho ya Huduma za Maktaba kupitia Mageuzi ya Kidijitali, Kukuza Maarifa na Ujuzi kwa Maendeleo Endelevu,” pamoja na uzinduzi rasmi wa Mfumo Jumuishi wa Maktaba Mtandao ya Taifa (iNDLS), maonesho ya vitabu, mashindano ya usomaji kwa watoto na wanafunzi, pamoja na burudani mbalimbali. Mgeni Rasmi anatarajiwa kuwa Waziri wa Elimu, Sayansi na Teknolojia, Mhe. Prof. Adolf Mkenda.  NYOTE MNAKARIBISHWA! #MaktabaKidijitaliNaUjuziKwaDira2050